Friscanu i treni

e pari ca non s'arriva mai

cu la genti affacciata e finestrini

cuntenta di tunnari

di luntanu, di luntanu già si senti u mari

e tu talii avanti, avanti

bedda comi lu suli

stidda di lu me cori

e tu talii avanti, avanti

e pensi a cu t'aspetta

o fossi appoi non pensi a nenti

e chiangi, chiangi ammucciuni

che capidda n'trizzati arreru

stisi o ventu

mentri friscanu i treni

 e pari ca non s'arriva mai.

Francesco Privitera    luglio 2001